Standartlaşdırma, Metrologiya və Patent üzrə Dövlət Agentliyinin direktoru Ramiz Həsənov deyib ki, may ayından tikinti materialları istehsal edən şirkətlərdə monitorinqlər başlayacaq. İndi agentlik uşaq oyuncaqlarının monitorinqini aparır.
Yanacaqdoldurma məntəqələrindəki yoxlamalar isə başa çatıb. Ramiz Həsənov deyir ki, satışda olan yanacağın keyfiyyətində elə bir problem yoxdur, əsas problem avadanlıqlarla, sayğaclarla bağlıdır. «Bundan sonra hər üç aydan bir yanacaqdoldurma məntəqələrində sayğacların düzgün işləyib-işləməməsi yoxlanılacaq», - deyə Ramiz Həsənov vurğulayıb.