SINDIRILMIŞ DƏMİR QAPI...
Sındırılmış dəmir qapı isə artıq qaynaq edilib.
Sahibkar Hacı Fayıq Cəfərov Astara gömrüyündə baş verən son olayları İrandan qayıdan azərbaycanlıların özləri ilə gətirdiyi xurma və kişmişə qadağa qoyulması ilə izah edir:
«RÜŞVƏT BAŞ ALIB GEDİR»
«Gedirlər İrana, iki gilə xurma gətirirlər, onu da əllərindən alırlar. Tökürlər yerə ki, sən bunu satmaq üçün aparırsan. İran özü bir şey deyil. Vətəndaş İran İslam Respublikasına gedirsə, deməli, ehtiyacı var ki, gedir. Ehtiyacı olmasa, məcbur olmasa, iş yeri olsa, ordan bir şey gətirib burda satmayacaq. Gömrük onların başına elə oyun gətirir ki, burda dövlətlə xalq arasında böyük uçurum yaranır. Korrupsiyaya qarşı mübarizə gedirsə, bu korrupsionerlər burda nə edir? Xalqı incitməklə nə əldə etmək istəyirlər? Monopoliya var, kişmişin, xurmanın ayrıca monopolisti var. Rüşvət baş alıb gedir. Axı buna bir əncam çəkilməlidir».
Hacı Fayıq Cəfərov deyir ki, əvvəllər İrana gündə 1000-1500 adam gedirdisə, indi bu rəqəm 250-300 nəfərə enib. Ancaq onun bildirməsinə görə, sərhəddə həmişə qalmaqal olur.
Hacı Fayıq Cəfərov«YA NARKOTİK, YA DA XIRDA ALVER»
«Azərbaycanda xurma istehsal olunmursa, nə üçün qarşısı alınır? Bu adam İranda pulunu verib xurma alıb gətirir. Orda 450 qramlıq xurma qutusuna 70-80 qəpik verir, burda onu 1 manat 40 qəpiyə satır. Halbuki, Azərbaycan ərazisinə tonlarla xurma buraxırlar. 90 min əhalisi olan bir rayonda işləmək üçün yer yoxdur. Ya narkotiklə məşğul olmalıdır, ya da xırda alver etməlidir. Xırda alverin də qarşısını alırlar. Bəs bu adamlar nə etməlidir, oğurluq etməlidir?».
Astara gömrükxanasında baş verənlərlə əlaqədar müxalifət partiyalarının rayon təşkilatları müvafiq qurumlara müraciət hazırlayıblar. Müsavat Partiyası Astara rayon təşkilatının sədri Asən Həşimli deyir ki, Astara gömrükxanası Azərbaycanın Şərqə açılan qapısı olduğundan orada bütün xidmətlər nümunəvi olmalıdır:
«HEÇ BİR TƏDBİR GÖRÜLMÜR»
Asən HəşimliAstara rayon İcra Hakimiyyətinin birinci müavini Məzahim Hüseynov isə gömrükdə baş verən son hadisələrlə bağlı məlumatları olmadığını söylədi. Məzahim Hüseynov deyir ki, rayon icra aparatı ona aid olan işlə məşğuldur
XURMA VƏ KİŞMİŞ BAHALAŞIB...
Sabiq gömrük işçisi Elman Hüseynov isə deyir ki, indi gömrük məntəqələrində baş verənlər Azərbaycana utanc gətirən hallardır:
Elman HüseynovElman Hüseynov deyir ki, Astara gömrüyündə bu qaydalara əməl olunmur. İrana dəflərlə gedib və bunun şahidi olub:
«Astara gömrüyündə heç bir səbəb göstərmədən malları vətəndaşlardan alırlar, vətəndaşın şəxsiyyətini gömrük işçiləri təhqir edirlər. Baxmayaraq ki, Azərbaycan vətəndaşıdır».
Astara rayonun mərkəzi bazarında 450 qramlıq xurma qutusu 1 manat 40 qəpiyə satılır. Ötən il Ramazan ayında bu qiymət 1 manatdan yuxarı olmayıb. Kişmişin 1 kiloqramı da ötən ilə nisbətən 1 manat bahalaşıb.
«AZADLIQ BÖLGƏLƏRDƏ» RUBRİKASINDA NÖVBƏTİ GÜNLƏRDƏ OXUYA BİLƏRSİNİZ:
Hacıqabul gölünün qurumasının qarşısını necə almaq olar?
Gəncə hərbi hospitalının işçiləri yeni yerlərindən nədən narazıdırlar?
Gəncə hərbi hospitalının işçiləri yeni yerlərindən nədən narazıdırlar?
