Bu fotonu çəkənə axır ki, Azərbaycandan çıxmağa icazə verildi

-
Haqqında cinayət işi açılmış Reportyorların Azadlıq və Təhlükəsizliyi İnstitutunun əməkdaşı, fotoreportyor Mehman Hüseynova ölkədən çıxmağa icazə verilib. Bu haqda hüquq-mühafizə orqanlarından ona oktyabrın 12-də məlumat verilib:
M.Hüseynov Dünya Gənclərinin Demokratiya Hərəkatının «Demokratiya mənim ölkəmdə 2012» fotomüsabiqəsinin qalibidir. Hüquq-mühafizə orqanlarının icazəsindən sonra o, bu mükafatı almaq üçün Peruya gedir.

Mehman onu müsabiqədə qalib edən şəkli bu il martın 12-də müxalifətin Bakıda keçirdiyi icazəsiz aksiyasında çəkib:


CİNAYƏT İŞİNDƏ YENİLİK YOXDUR

​Elə M.Hüseynov haqqında açılan cinayət işi də icazəsiz aksiya ilə bağlıdır. O, Cinayət Məcəlləsinin 221.2.2-ci maddəsi ilə ittiham olunur.

Daxili İşlər Nazirliyi bildirir ki, 2012-ci il mayın 21-də İctimai Palata Bakı şəhər İcra Hakimiyyətinin qarşısında razılaşdırılmamış aksiya keçirən vaxt M.Hüseynov polis əməkdaşlarına müqavimət göstərib. Cinayət işində isə hər hansı yenilik yoxdur:
İttiham təsdiqlənərsə, M.Hüseynov 2 ilə qədər islah işləri və ya 5 ilə qədər azadlıqdan məhrumetmə ilə cəzalandırıla bilər.

Fotoreportyor ittihamları rədd edir və ona qarşı açılan cinayət işinin siyasi motivli olduğunu bildirir.