ABŞ Azərbaycanda QHT-lərin vəziyyətindən «dərin məyusluq duyur»

-

ABŞ Dövlət Departamentinin rəsmisi Azad Avropa/Azadlıq Radiolarının mərkəzi xəbər xidmətinə açıqlamasında Azərbaycanda qeyri-hökumət sektorunda baş verənlərə münasibət bildirib:

“Biz Azərbaycanda həm yerli, həm də xarici qeyri-hökumət təşkilatlarının qeydiyyatı, maliyyələşməsi və fəaliyyəti ilə bağlı məhdudlaşdırıcı qanunlardan istifadə edilməsindən dərin məyusluq duyuruq”.

Son günlər Azərbaycanda Sülh və Demokratiya İnstitutundan Leyla Yunus və Arif Yunus, eləcə də hüquq müdafiəçisi Rəsul Cəfərov həbs ediliblər.

Son xəbərə görə, Hüquq Maarifçiliyi Cəmiyyətinin rəhbəri İntiqam Əliyev saxlanıb.