-
«Şamaxının Quşçu kəndində seçki tam saxta keçirildi. Kim tapşırılıbsa, onlara da səs yazdılar».
Bunu AzadlıqRadiosuna 85 saylı DSK-nın həmin kənddəki 25 saylı məntəqən namizəd olmuş Təvəkkül Abdullayev deyir. YAP üzvü olduğunu deyən Təvəkkül Abdullayev namizədliyini müstəqil şəkildə irəli sürdüyünü bildirir:
«Seçicilərin əksəriyyəti iştirak etmədi. Günortadan sonra başladılar saxtakarlığa. Bülletenləri topa-topa istədikləri adamın adına cızıb atdırdılar. Seçkilər qeyri-qanuni keçirildi».
85 saylı Şamaxı DSK-nın sədri Hüseyn Rəcəbov AzadlıqRadiosuna bildirib ki, seçki tam demokratik keçib və nəticələr də artıq Mərkəzi Seçki Komissiyasının saytında yerləşdirilib.