HAKİM XƏDİCƏ İSMAYILI "HÜQUQUNDAN İSTİFADƏYƏ" MƏCBUR ETMƏK İSTƏYİR
Hakim bildirib ki, tərəfin Appelyasi Məhkəməsinin ilkin iclasından bir ay müddətinə kassasiya şikayəti vermək hüququ var. Hakim Xədicə İsmayıldan soruşub ki, qərarı alıb belə kassasiya şikayəti veribmi?
Amma vəkil və Xədicə İsmayıl belə kassasiya şikayəti vermək istəmədiklərini, prosesin davam etdirilməsini istədiklərini deyiblər. Amma hakim yenə də qərara gəlib ki, bu məhkəmə noyabrın 19-a qədər təxirə salınsın ki, Xədicə İsmayıl istəsə Appelyasiya Məhkəməsinin islasından kassasiya şikayəti verə bilsin. Halbuki Xədicə İsmayıl belə şikayət vermək istəmədiklərini, prosesin davam etdirilməsinin lazım olduğunu bildirir.
Vəkil Fariz Namazlı hakimin bu qərarını belə izah edir:
Məhkəmə təxirə salındı.
Az sonra ətraflı məlumatımız olacaq.
Bu gün Xədicə İsmayılın apellyasiya məhkəməsi davam edəcək
Oktyabrın 29-da Bakı Apellyasiya Məhkəməsi AzadlıqRadiosunun jurnalisti Xədicə İsmayılın şikayətinə baxır.
Sentyabrın 1-də Bakı Ağır Cinayətlər Məhkəməsi Xədicə İsmayılı 7 il yarım azadlıqdan məhrum edib.
Məhkəmə onu Cinayət Məcəlləsinin 179.3.2-ci (mənimsəmə və israf etmə - külli miqdarda törədildikdə), 192.2.2 (qanunsuz sahibkarlıq), 213.1(vergi ödəməkdən yayınma) və 308.2-ci (vəzifə səlahiyyətlərindən sui-istifadə) maddələri ilə təqsirli bilib.
Apellyasiya Məhkəməsinin bu gün qərarını açıqlayacağı gözlənir.
Xədicə İsmayıl 2014-cü ilin dekabrında həbs olunub. Jurnalist ona qarşı ittihamları rədd edir və həbsinin jurnalist fəaliyyəti ilə bağlı olduğunu deyir.