-
Yanvarın 21-də «Kapital Bank»ın baş ofisində bankın səhmdarlarının növbədənkənar ümumi yığıncağı keçirilib.
fins.az-ın məlumatına görə, iclasda bankın Müşahidə Şurasının üzvü Cavid Quliyevin işdən azad olunmaq barədə ərizəsinə baxılıb. O, Müşahidə Şurasının tərkibindən kənarlaşdırılıb. Amma yerinə təyinat olmayıb.
«Kapital Bank»dan fins.az-a bildirilib ki, Cavid Quliyev bankdan kənar başqa vəzifəyə təyin edildiyi üçün işdən çıxıb.
«Kapital Bank»ın səhmlərinin 99.86%-i «PAŞA Holdinq»ə məxsusdur. Bankın Müşahidə Şurasına Cəlal Qasımov rəhbərlik edir.