-
Riyazi məsələ və misalları həll edə bilən mobil proqram hazırlanıb.
«Mirror» qəzetinin yazdığına görə, proqramı Stenford Universitetinin doktorantı Niko Jimenez düşünüb. Ona bu işdə həminuniversitetin məzunlarından Paul Ferrell-in köməyi dəyib.
«MathPix» adlanan pulsuz mobil proqram məsələ və misalları bir neçə saniyəyəhəll edib cavablandırır.
Proqramı hazırlayanlar iddia edirlər ki, beləcə, ən sadə məsələ və misallardan tutmuş, ən çətinlərinədək həll etmək olar. Loqarifma, triqonometriya, inteqral kimi bölmələr də əhatə edilir.
İstifadəçi, sadəcə, proqramı açır, ekranda görünən kameradan yararlanıb, məsələ və ya misalın şəklini çəkir. Proqram şəkiltanıma texnologiyası ilə rəqəm və simvolları tanıyır. Məsələ və ya misallar əlyazısıyla ola bilər. Proqram addım-addım həlli göstərdiyindən, istifadəçi cavabı tapmağın yolunu da öyrənir.
«MathPix»dən «iOS» platformalı cihaz istifadəçiləri yararlana bilərlər.