Seçki dairəsində işarələnmiş bülletenlərin tapıldığı bildirilir
AzadlıqRadiosuna göndərilən videolarda da şikayətlər yer alır. Videoların birinin 15 saylı Yasamal birinci seçki dairəsinin 25 saylı məntəqəsində çəkildiyi iddia edilir. Həmin videoda seçkinin keçirildiyi binanın daxilində üzərində namizədlərdən birinin adı əvvəlcədən işarələnmiş bülletenlərin gizlədildiyi və sonradan üzə çıxarıldığı ilə bağlı iddiaların səsləndiyi görüntülər əks olunub.
Hələlik, həmin iddiaların yer aldığı görüntülərə sözügedən dairə seçki komissiyası və Mərkəzi Seçki Komissiyasından münasibət almaq mümkün olmayıb.
Eyni seçici iki ayrı məntəqədə səs verir
42 saylı Sumqayıt birinci seçki dairəsi. Məntəqə 2
Topa bülletenlər seçki sandığına atılır
Sumqayıt şəhərinin 42 saylı birinci seçki dairəsinin ayrı-ayrı məntəqələrində pozuntuların olması ilə bağlı məlumatlar gəlməkdə davam edir.
Həmin dairədən namizəd Şəfəq Mayılovanın sözlərinə görə, 4 və 12 saylı məntəqələrdə müşahidəçilərə problem yaradılır.
Habelə bildirildiyinə görə, dairənin bəzi məntəqələrində "karusel" əməliyyatı keçirilir, fərqli qurumların əməkdaşları kütləvi halda bir neçə məntəqədə səs verməyə göndərilir.
Eyni zamanda, bəzi məntəqələrdə qutulara topa halda bülletenlərin atılması ilə də bağlı iddialar var.