►Prezident İlham Əliyev “Kənd təsərrüfatının inkişafına yeni təkan vermək və onun modernləşdirilməsini sürətləndirmək” və sahənin irəliləməsinə yol açacaq digər məqsədlərlə 2015-ci ili “Kənd təsərrüfatı ili” elan edib.
Buna baxmayaraq sektor yerində sayır və hələ də neftdənkənar Ümumi Daxili Məhsulun (ÜDM) strukturunda kənd təsərrüfatının payı çox aşağıdır (meşə təsərrüfatı və balıqçılıqla birgə 9.68 faiz).
Halbuki 1990-cı ildə bu sahənin ÜDM-də payı 26,6 faiz olub. Hətta 1990-1996-cı illərin iqtisadi tənəzzül dövründə - sənayenin, ticarət və xidmətin rolu sürətlə aşağı düşdüyü zaman aqrar sektorun ÜDM-dəki payı artaraq 32,5 faizə çatmışdı.
Buna da bax: Pensiya yaşı artırıla bilər
Neftdənkənar ÜDM-in strukturu, %-lə (yanvar-iyul 2015-ci il)
- Qeyri neft-qaz sənayesi - 8,46 %
- Kənd təsərrüfatı, meşə təsərrüfatı və balıqçılıq - 9,69 %
- Turistlərin yerləşdirilməsi və ictimai iaşə - 4.60 %
- Tikinti - 21,90 %
- Nəqliyyat və anbar təsərrüfatı - 9,20 %
- İnformasiya və rabitə - 3,10 %
- Sosial və digər xidmətlər - 27,61%
- Ticarət, nəqliyyat vasitələrinin təmiri - 15,44 %
