-
İran Azərbaycanından olan yazar Əfrasiyab Nurullahi münsiflərdən bal alsa da, "Ədəbi Azadlıq-2015" müsabiqəsinin 20-liyinə keçməyib.
O "mənim iyirmiliyə düşməyən şeirimi bu ilin onluğu ilə müqayisəyə qoyun" yazır.
Ə.Nurullahinin şeiri artıq bir neçə gün qabaq OxuZalında çap edilib.
Onun müsabiqə haqda tənqidi yazısını (olduğu kimi) və şeirini (bir daha) təqdim edirik.
Əfrasiyab Nurullahi
BU MƏNİM ŞEİRİM, BU DA ONLUQDAKI ŞEİRLƏR...
Vallah, düzü, bu haqda ciddi bir şeylər yazmaq istəyirdim, amma OxuZalının bu qonuda olan davranışlarından dolayı, buraxdığı mənfi təsirdən dolayı bir o qədər də ciddi ola bilmirəm. amma bu çox da ciddi olmayan yazımı, daha doğrusu, iddiamı əgər lütf edib çap edərlərsə, o zaman, işin başı açılar və mən də sanıram ciddiləşər və girişərəm mövzuya!
Mən OxuZalını 2013-cü ildən izləyirəm. Tərtib etdiyi müsabiqəni də elə o ildən maraqla izləmişəm. O ili qatılmadım. Amma ciddi oxucularından oldum. O ili münsiflərin seçimini bəyəndim. Özəlliklə də birinci yerə layiq olan yazar gərçəkdən haqlıydı.
Mən bilmirəm o ili münsiflər, kimlər idi, amma, gözəl seçim etdilər. Və elə ona görə də, 2014-də qatılmaq istədim. Həm də, öz içimdə iddialı. Etiraf edim ki, 2014-cü ilin yarışmaçıları çox güclüydülər. Amma bu yenə də mənim iddialı olduğumdan bir şey əksiltmirdi.
Sonuclardan razı qalmadım! Niyə ki, düz seçim olmamışdı. Indi iki haldan qıraq deyildi, mənim zənnimcə; ya münsiflər yarışmaçılardan zəif ydi, ya da o aparıcılar və tərtibçilər arasinda nəsə bir oyunlar çevrilir... (Ə.Nurullahinin keçən ilki müsabiqəyə yolladığı və 20-liyə keçməyən şeirləri)
Bu il də mən öz göndərdiyim şeirlə, hələ qalsın iyirmilik, onluğu belə muqayisə edincə, yenə də, eyni, keçən ilin axarı və çatdığım sonuc sanki bir daha təkrarlandı.
Indi, iddiam budur; mənim keçən il iyirmiliyə düşməyən şeirlərimi keçən ilin birincisi ilə və bu il də, yenə iyirmiliyə düşməyən şerlərimi bu ilin onluğu ilə elə öz saytınızda və ya başqa bir saytda açıq şəkildə yarışa qoyun, həm də mən istədiyim münsiflərin təmənnasiz oyları ilə. Sonuc hər nə isə, mən indidən qəbul edirəm. Mən istədiyim münsiflərin adları; sayın Ramiz Rövşən, Fikrət Qoca, Anar müəllim, Rüstəm Behrudı, Musa Yaqub, yeni nəsildən isə Həmid Herisçi, Qəşəm Nəcəfzadə cənabları. Artırmalıyam ki, mənim bu imzalarla heç bir yaxınlığm yoxdu, hətta məni belə tanımırlar. Ancaq oxuduqlarım və özlərini zaman-zaman inandırdıqları imzalardırlar....
Mən bu yazıya ad qoymadım, amma siz əgər çap etmək istərsəniz, qoya bilərsiz adını.
Hörmətlə: Əfrasiyab Nurullahi, Güney Azərbaycan
30 may, 2015
Əfrasiyab Nurullahinin 20-liyə düşməyən şeiri
ARAZ
Araz,
iki yolun ayrıcı
iki can arasında qalan can
o tayı
Azərbaycan
bu tayı
Azərbaycan
Araz,
bir qurd ulaması;
yeni bir uğurdur
hər döngəsi, dolaması
Araz,
həsrət adası Qarabağın,
Qaradağın qadası
o tay, bu tay
ellərimin xan atası
Araz, səməd!
haraysız hay
Araz, Saray!
Haysız haray
Araz,
Xəzər bəyin
azərbaycanlı sevgilisi
Araz,
Xəzər ölüsü
Xəzər dirisi
Araz,
iki qardaşın tək bacısı
ancaq ki;
Xəzərə sığır ağrısı,acısı
Araz,
mənim uşaqlıqda,
bütün sulardan olan,
idrakım, ağlım
və uşaqlıq vərdişi üzündən
indi də elə
Araz,
mil, muğan
həyatı ceyran, cüyür
suvatı Araz,
uzun bir bayatı,
Türkiyədən Xəzərə qədər
o tayı, bu tayı
inləyib gedər
Araz,
mənim dağlar ürəyimdən,
dəniz gözlərimə çəkilən yol
gözlərimdən ləpələnir
Bakı yanağıma
Araz,
uzun bir durna qatarının, kölgəsimi –deyim;
düşüb dağlardan dənizə sarı tapdalanmış bir xalqın, köksümü –deyim;
ötürüb, görünmür axar baxarı...!
SON
